Avropa Şurası Rusiyege qarşı sanktsiyalarnı daa yarım yılğa uzattı

uatv
13.12.2019
Foto Ukrinform

Brükselde Avropa Şurasında Avropa Birligi memleketleri reberleri Rusiyege qarşı qoyulğan iqtisadiy sanktsiyalarnı daa yarım yılğa uzatmağa qarar aldı.

Bu aqta sammitniñ birinci künü neticeleri aqqındaki matbuat konferentsiyası vaqtında Avropa Şurası prezidenti Charles Michel bildirdi, haber ete Ukrinform.

“Rusiye ve Ukraina aqqında manuqaşa ettik. Bazarertesi künü Pariste olıp kesken Normandiya sammiti neticeleri aqqında bizni haberdar ettiler. Emmanuel Macron ve Angela Merkel vaziyet aqqında yañı malümatnı bildirdiler. Biz sanktsiyalarnı altı ayğa uzattıq, çünki Minsk añlaşmalarınıñ yerine ketirilmesi pek müimdir”, – dedi Charles Michel.

Onıñ aytqanına köre, Minsk añlaşmalarında közde tutulğan mecburiyetlerniñ yerine ketirilmesini nezaret etmege devam etecekler.

Evel Ukraina devlet başı Volodımır Zelenskıy Avropa Şurası prezidenti Charles Michelnen telefonnen laf etti.

Oquñız: Almaniya Tışqı işler naziri Heiko Maas şimdilik Avropa Birligi Rusiye Federatsiyasına qoyğan sanktsiyalarnı lâğu etmek içün sebepler yoq, dep bildirdi.

Джерело Ukrinform
дата 13.12.2019
категорії UKRAİNA VE AB
поділитися
Топ новин на UA|TV