Avropa Rusiye tecavuzınıñ tarqaluvına yol bermemek içün birleşmek kerek, – Litvaniya prezidenti

uatv
11.03.2019
Foto Ukrinform-UATV

Litvaniya prezidenti Raymonds Veyonis Rusiye tecavuzına qarşılıq kösterilüvi içün birleşmege teklif etti. O, Avropa parlamenti saylavları olıp keçken soñ Rusiye anda öz küçleriniñ pekitilüvi içün elinden kelgenini yapacağını bildirdi.

Bu aqta 24 kanal haber ete.

“Rusiye Ukrainağa ücüm etkeni kibi bir kün diger Avropa memleketine ücüm etmemesi içün bizge qarşılıq kösterecek bir işançlı alet kerek”, – dedi Litvaniya Prezidenti.

Onıñ sözlerine köre Kreml, mayıs ayında olacaq Avropa parlamenti saylavlarına tesir etmege tırışa. Şunıñ içün Avropa Birligi buna azırlanmaq kerek.

Bundan ğayrı, Rusiye tecavuzına qarşılıq köstermek içün episi Avropa memleketleri birleşmek kerekler.

Raymonds Veyonіs, Litvaniya halqına Rusiyeniñ tesirini közde tutmaq kerek olğanını qayd etti. Çünki soñki vaqıtta bir çoq rusiyeliler Litvaniyada yaşay ve rus propagandasınıñ qurbanları ola.

Menba 24 kanalı
tarih 11.03.2019
kategoriyalar SİYASET
paylaşmaq
UA|TV top haberleri