Avropa Parlamenti, ukrain siyasiy mabüsi Oleg Sentsovğa qol tutmaq içün banner asıp qoydı

Böylece, Avropa Birligi Oleg Sentsovğa Saharov mukâfatınıñ berilüvine azır olğanlarını kösterdi

uatv
06.12.2018

Foto radiosvoboda.org saytından

Avropa Parlamenti binasına, “Söz serbestligi” adlı Saharov mukâfatınıñ laureatı, Rusiye Federatsiyasınıñ cezahanesinde qanunsız sürette tutulğan ukrain rejissörı Oleg Sentsovnıñ eşqına bir banner asıp qoyuldı.

Bu aqta öz Twitter saifesinde “Azatlıq Radiosı” (Radio Svoboda) brüksel mühbiri Rikard Jozwiak yazdı.

“Boylece, Avropa Parlamenti Oleg Sentsovğa Saharov mukâfatınıñ berilüvine azır olğanlarını kösterdi”, – qayd etti jurnalist.

Oktâbrniñ 25-nde Oleg Sentsovğa Saharov adına mukâfat berildi. Mukâfatlav tedbiri dekabrniñ 12-nde Strasburgda olacaq.

Alim, dissident ve uquq qoruyıcı Andrey Saharov adına mukâfat 1988 senesi Avropa parlamenti tarafından teşkil etildi ve insannıñ esas aqları ve serbestligi qorçalavına müim isse qoşqan şahıs ya da teşkilâtlarğa berile.

Menba UATV
tarih 06.12.2018
kategoriyalar KREML MABÜSLERİ
paylaşmaq
UA|TV top haberleri