Avropa Eyyetiniñ yañı başı Almaniyanıñ mudafaa naziri Ursula von der Leyen oldı

uatv
17.07.2019
Foto AP

Avropa parlameni Almaniyanıñ mudafaa naziri Ursula von der Leyen namzetine qol tutıp, onı Avropa eyyetiniñ yañı prezidenti olaraq sayladı.

Bu aqta UATV haber ete.

Gizli saylav vaqtında 383 avropa deputatı yañı prezident içün rey berdi.

O, noyabrniñ 1-nden ameldeki Avropa prezidenti Jean-Claude Juncker yerine keçecek. Leyen Avropa eyyetiniñ başına keçken ilk qadın oldı.

Ukraina prezidenti Volodımır Zelenskıy yañı saylanğan Avropa eyyetiniñ prezidentini hayırladı.

“Sizge muvafaqiyetler tileymiz. Ukraina-AB munasebetleriniñ ilerideki inkişafı maqsadınen sabırsızlıqnen siznen işbirlik bekleymiz”, – dep yazdı Zelenskıy Twitter saifesinde.

Hatırlatamız, Avropa eyyeti 4,5 mlrd yevro Ukrainada infrastruktura inkişafına ayırmağa niyetinde.

Menba UATV
tarih 17.07.2019
kategoriyalar Dünya
paylaşmaq
UA|TV top haberleri