Avropa Birliginiñ bütün tarihı devamında eñ büyük yardımnı Brüksel Ukrainağa berdi, – Federica Mogherini

uatv
03.09.2019

Avropa Birliginiñ tışqı işler ve telükesizlik siyaseti meseleleri baş temsilcisi Federica Mogherini, teşkilâtnıñ bütün tarihı devamında eñ büyük yardımnı Avropa Birligi Ukrainağa berdi, dep bildirdi.

Bu aqta UATV Ukrinform agentligine atfı etip bildire.

“Buhran başlanmasından, beş yıl devamında, biz Ukrainağa bütün Avropa Birligi tarihında eñ büyük yardımnı berdik. Bunıñ yardımınen memleket kollaps çekmedi. O, ögge adımladı ve bu buhrandan endi yañı temelde çıqmağa tırışa. Olğa zorluqlarğa baqmadan, bugünde Ukraina evelleri olğanından daa küçlü oldı. 2014 dramatik yılnı hatırlayım, o zaman er şey başlağan edi”, – dedi Mogherini.

Onıñ aytqanına köre, Ukrainadaki iş pek küçlü bir telükesizliknen bağlı edi, amma bunıñ ile Avropa Birligi memleketiñ insan potentsialı inkişafına faal tarzda yatırım yaptı.

“Biz iş yerlerni meydanğa ketirmege, infraterkipni qurmağa ve ğayrıdan tiklemege yardım ettik, Avropa Birligine yolnı liberalleştirdik, halqımız ve universitetlerimiz arasındaki deñişüvlerge yatırım yaptıq”, – dep yekünledi o.

Menba Ukrinform
tarih 03.09.2019
kategoriyalar İQTİSADİYAT
paylaşmaq
UA|TV top haberleri