Avropa Birliginiñ beş memleketi Birleşken Milletler Teşkilâtında Ukrainanıñ destegine bildirüv yaptı

uatv
19.02.2020
Foto AP

Birleşken Milletler Teşkilâtı Telükesizlik şurasınıñ oturışından soñ Belçika, Estoniya, Frenkistan, Almaniya ve Poloniya Ukrainanıñ destegine bildirüv yaptı.

Bu aqta Ukraina milliy haberleri Birleşken Milletler Teşkilâtında Estoniyanıñ daimiy temsilciliginiñ Twitter saifesindeki yazığa atfı etip bildire.

“Biz, Avropa Birliginden Birleşken Milletler Teşkilâtı Telükesizlik şurasınıñ evelki ve şimdiki azaları – Belçika, Estoniya, Frenkistan, Almaniya ve Poloniya – Ukrainanıñ mustaqilligi, suvereniteti ve topraq bütünligine destek bildiremiz”, – yazıla bildirüvde.

Bunıñnen beraberlikte memleketler Qırımnıñ qanunsız işğalini ve Donetsk ve Lugansk vilâyetleriniñ ayrı bölgelerinde vaziyetniñ stabilsizleştirüvini takbih ete.

Aynı zamanda, Birleşken Milletler Teşkilâtında Estoniyanıñ daimiy temsilciligi, Rusiye Federatsiyası Ukrainanıñ topraq bütünligi ve suverenitetine qarşı küç qullanıp, haqara uquqnıñ temel printsiplerini bozğanını qayd etti.

“Butün taraflar Minsk añlaşmalarını tolu derecede yerine ketirse, çatışma çezile bilir”, – yazıla malümatta.

Hatırlatamız: Fevralnıñ 18-nde, Rusiyeniñ işğal orduları Novotoşkovske, Örihiv, Krımske ve Hutor Vilnıy meskün yerleri yanında Birleşke Quvetlerniñ bölüklerine ücüm etti.

Джерело UATV
дата 19.02.2020
категорії SİYASET
поділитися
Топ новин на UA|TV