Avropa Birligi yolbaşçıları acele Brexit sammitini ötkerecek

uatv
10.04.2019
Foto Ukrinform-UATV

Avropa Birligi memleketleriniñ yolbaşçıları, Brexit meselesiniñ al etilüvi içün Brükselde nevbetten tış sammitte körüşecek olalar.

Bu aqta ВВS haber ete.

Avropa Birligi memleketleri, Londonğa Brexit içün daa bir müddet berilmesi kerekmi kibi sualni muzakere etecekler. Malüm ki, baş nazir Theresa May memleketniñ Avropa Birligi tertibinden çıqmasını iyunniñ 30-na qadar qaldırmaq istey.

Avropa Şurası reisi Donald Tusk qalğan 27 yolbaşçığa Brexit içün uyğunlaştırıla bilgen şartlarğa qoltutmaq rica etken soñ, Avropa Birligi daa bir uzun müddet teklif ete bile.

Radio Svoboda haber etkenine köre, eger London “Avropa Birligi vazifeleriniñ yerine ketirilmesine yardım etse ve Avropa Birligi maqsatlarınıñ amelge keçirilüvine tehdit etken er tedbirlerden uzaq tursa” Brüksel Theresa May ile añlaşa bile.

Büyük Britaniya Avropa Birliginiñ büceti aqqında aytışmalarda ya da Avropa Birliginiñ icra komissiyasınıñ nevbetteki prezidenti saylavlarında iştirak etmemek kerek.

Menba BBC
tarih 10.04.2019
kategoriyalar Dünya
paylaşmaq
UA|TV top haberleri