Avropa Birligi ukrain deñizcileriniñ esir etilüvine alâqası olğan 8 rusiyelige sanktsiyalar qoydı

uatv
15.03.2019
Foto Ukrinform – UATV

Avropa Birligi Şurası Keriç boğazındaki tecavuzdan sebep Rusiyeniñ 8 vatandaşına dair şahsiy sanktsiyalar qoydı. Bu aqta Avropa Birliginiñ Resmiy mecmuasında haber etile, bildire Avropa aqiqatı.

Buna ait qarar Avropa Birligi Şurası martnıñ 14-nde qabul etti.

Sanktsiyalar cedvelinde aşağıdaki şahıslar:

Sergey Stankeviç – Qırımdaki Rusiye Federal telükesizilik hızmetiniñ sıñır direktorat reisi, ukrain gemilerine qarşı tecavuz vaqtında Rusiye gemileriniñ areketlerinden mesülietli;

Andrey Şein – sıñır direktorat reisiniñ muavini, Qırımdaki Rusiye Federal telükesizilik hızmetiniñ deñiz bölüginiñ reisi;

Aleksey Salâyev – Keriç boğazı civarındaki tecavuziy areketlerde faal iştirak etken gemilerden birisiniñ komandanı;

Andrey Şipitsın – “İzumrud” devriye qayığınıñ komandanı;

Aleksey Şatohin – Rusiye Federal telükesizilik hızmeti Keriç nezaret noqtasınıñ reisi;

Ruslan Romaşkin – Keriç boğazı civarındaki tecavuz vaqtında areketlerniñ koordinatsiyası içün musuliyetli;

Sergey Şçerbakov – “Suzdalets” suvastı gemilerge qarşı qayıq komandanı;

Aleksandr Dvornikov – Rusiye Federatsiyası Cenübiy arbiy bölgesiniñ komandanı.

Olar aktivlerniñ buzlatuvı ve Avropa Birligi memleketlerine yolculıq yasaqlığı vastasınen cezalanacaq.

Menba Avropa aqiqatı
tarih 15.03.2019
kategoriyalar SİYASET
paylaşmaq
UA|TV top haberleri