Avropa Birligi Şurası terrorcılıqnen bağlı olğan kişilerniñ sanktsiyalar cedvelini yañarttı

uatv
14.01.2020
Foto Ukrinform-UATV

Yanvarnıñ 13-nde Avropa Birligi Şurası “Avropa Birligi terroristik cedvelini” yañarttı. Bu cedvelge, terroristik faaliyet içün sanktsiyalar altında oğan şahıs, teşkilât ve müiesiseler kire.

Bu aqta Avropa Şurası saytında haber etile.

Avropa Birligi ilk sefer, 2001 senesi sentâbr 11 yüz bergen terror eyleminden soñ Birleşken Milletler Teşkilâtı Telükesizlik Şurasınıñ 1373/2001 qararını yerine ketirmek içün böyle cedvelni tertip etti.

“Avropa Şurası bu cedvelni ara-sıra ve eñ azından altı ayda bir kere aza memleketler arısında muntazam tarzda malümat aluv-berüv esasında baqıp çıqa”, – yazıla vesiqada.

Berilgen malümatqa köre, bu sanktsiyalar rejimi, Al-Qaida ve İslâm devletine qarşı olğan 1267 (2011), 1989 (2011) i 2253 (2015) BMT qararlarından ayırılğan.

Джерело UATV
дата 14.01.2020
категорії Dünya
поділитися
Топ новин на UA|TV