Avropa Birligi Rusiyege qarşı qoyulğan sanktsiyalarnı daa yarım yılğa uzatacaq, – Poloniya TİN

uatv
10.12.2019
Foto Ukrinform-UATV

Avropa Birligi Rusiyege qarşı qoyulğan sanktsiyalarnı daa yarım yılğa uzatacaq. Bu fikirni Poloniya Tışqı işler naziri Yatsek Çaputoviç ayttı.

Bu aqta Avropa aqiqatı haber ete.

“Sanktsiyalar kelecek yarım yılğa uzatılacaq dep belleyim. Biz, Rusiyeni tecavuzcı memleket dep sayamız ve o Donbassnı terk etip ketmek ve Minsk añlaşmalarını yerine ketirmek kerek. Biz Ukraina topraq bütünligi ve suverenitetine qoltutamız ve qoltutmağa devam etecekmiz”, – dedi Çaputoviç.

Onıñ aytqanına köre Poloniya, Rusiyeniñ siyasetinde sanktsiyalarnı lâğu etmek içün nasıldır deñişmeler yoqtır dep saya.

Avropa devletleriniñ başları Brükselde sammit vaqıtnda Rusiyege qarşı qoyulğan iqtisadiy sanktsiyalarnı daa yarım yılğa uzatılmasına qoltutmaq kerekler.

Oquñız: Almaniya Tışqı işler naziri Heiko Maas şimdilik Avropa Birligi Rusiye Federatsiyasına qoyğan sanktsiyalarnı lâğu etmek içün sebepler yoq dep bildirdi.

Джерело UATV
дата 10.12.2019
категорії Dünya
поділитися
Топ новин на UA|TV