Avropa Birligi Rusiye pasportlarını alğan işğal etilgen Donbass sakinlerine kirüvni yasaq ete bile

uatv
17.05.2019
Foto Ukrinform-UATV

Avropa Birligi elçileri işğal etilgen Donbass bölgelerninde qanunsız sürette rusiye pasportlarınıñ berüv meselesini muzakere etti.

Bu aqta öz Twitter saifesinde “Azatlıq Radiosı” (Radio Svoboda) brüksel mühbiri Rikard Jozwiak yazdı.

Onıñ sözlerine köre, Avropa Birligi Komissiyası işğal etilgen Donbassta qanunsız sürette rusiye pasportlarını alğan grajdanlarğa Avropa Birligine kirme yasağı aqqında sualni baqacaqlar.

“Avropa Birligi elçileri Ukraian şarqında Rusiye pasportlarınıñ berüv sualini muzakere etti. 7 aza memleket sanktsiyalar qoyulmasına qol tuta. Olar Komissiyağa, böyle pasportlarnen kişilerge Avropa Birligine kirmelerini yasaqlamasını muzakere etmege avale etti”, – yazdı o.

Rusiye Federatsiyası ukrainlerge öz pasportlarını berip başladı. Ukraina Tışqı işleri bütün dünyağa bu pasportlarnı tanımamaq ricanen muracaat etti.

Menba UATV
tarih 17.05.2019
kategoriyalar SİYASET
paylaşmaq
UA|TV top haberleri