Avropa Birligi Minsk añlaşmalarınıñ kerçekleştirüvini mümkün olğan bütün yollarnen desteklemege azır, – Federica Mogherini

uatv
06.06.2019
Foto AP

Avropa Birliginiñ tışqı işler ve telükesizlik siyaseti meseleleri baş temsilcisi Federica Mogherini, Avropa Birligi Minsk añlaşmalarınıñ kerçekleştirüvini mümkün olğan bütün yollarnen desteklemege azır dep ayttı.

Bu aqta Avropa Birligi Tışqı işler hızmeti haber ete.

“Bu, prezident Zelenskıynıñ, Ukraina şimalinde, ükümetniñ nezareti astında olmağan bölgelerde yaşağan ukrain vatandaşlarına inklüziv yanaşuvnen bağlı ilân etilgen maqsadını desteklemesinen Avropa Birliginiñ yardımından ibaret olması mümkün”, – yazıla malümatta.

Bunıñnen beraber, Ukraina prezidenti Volodımır Zelenskıynen körüşüv vaqtında olar Azaqtaki vaziyetni de muzakere ettiler. Mogherini, bu bölgeni evelki alına ketirilmesi içün Avropa Birligi Ukrainağa içtimaiy-iqtisadiy destek kösterecigini tasdıqladı.

Avropa Birliginiñ baş temsilcisi bir daa Rusiye Federatsiyasından arbiy esir deñizcilerniñ azat etilmesini ve üç ukrain gemisiniñ keri qaytarılmasını talap etti.

O, Avropa Birligi liderleri iyül ayında olacaq Ukraina-AB sammiti çerçivesinde semereli işbirlik beklegenlerini qayd etti.

Hatırlatamız, Volodımır Zelenskıy ve Donald Tusk iyülniñ 8-ne Ukraina-AB sammitiniñ keçirilmesini ilân etti.

Menba UATV
tarih 06.06.2019
kategoriyalar UKRAİNA VE AB
paylaşmaq
UA|TV top haberleri