Avropa Birligi işğal etilgen Qırımdaki “saylavlar” içün sanktsiyalarnı keñleştirdi

uatv
29.01.2020
Foto Ukrinform-UATV

Salı künü, yanvarnıñ 28-nde, Avropa Birliginiñ nazirleri, Rusiye tarafından Qırımnıñ qanunsız işğal etilmesinen bağlı sanktsiyalarnıñ keñleştirilüvi aqqında qararğa qoltuttılar.

Bu aqta Twitterde Azatlıq Radiosınıñ mühbiri Rikard Jozwiak haber etti.

“Avropa Birliginiñ nazirleri, işğal etilgen Qırımda ve Aqyarda Rusiye yerli saylavlarınıñ keçirilüvi sebebinden Ukraina topraq bütünligini bozğanından mesülietli olğanlarnıñ sanktsiyalar cedveline 7 Rusiye memurını qoşmağa qarar aldı. Al-azırda cedvelde 177 kişi ve 44 teşkilât”, – yazdı o.

Berilgen malümatqa köre, işğal etilgen Qırımdaki saylavlarğa alâqası olğan “vali ve saylav komitetlerniñ azalarına” Avropa Birligne kirmege yasaq etilecek, Avropadaki aktivleri buzlatılacaq.

Rusiye akimiyeti Qırım ve Aqyarda 2019 senesi sentâbrniñ 8-nde Qırım parlamenti ve yerli şuralarnıñ deputat saylavlarını keçirdi.

Ukraina Tış işler nazirligi işğal etilgen Qırımda ve Aqyarda keçirilgen Rusiye saylavlarını “uquq ceetinden sayılmaz” dep adlandırıp, halqara toplulıqnı bu saylavlarğa “printsipial qıymet kesmesine” çağırdı.

Джерело UATV
дата 29.01.2020
категорії SİYASET
поділитися
Топ новин на UA|TV