Avropa Birligi, G7 ve ABD Rusiye ve Ukraina arasında esirler deñişüvinen hayırlaylar

uatv
07.09.2019
Foto OP

Avropa Şurası Rusiye ve Ukraina arasında esirler deñişüvinen hayırladı.

Bu aqta matbuat kâtibi Daniel Holtgen bildirdi, dep haber ete Ükrinform.

“Rusiye ve Ukrainada tutulğanlarnıñ azat etilmesinen tebrikleymiz. Bu eki devlet arasında munasebetler eyileşmesi içün müim bir adımdır”, – dep qayd ettiler Avropa Şurasında.

Holtgenniñ qoşqanına köre, Avropa Şurası İnsan Aqlarından Avropa makemesi esasında barışuv ketişatına qol tutmağa azır olğanını ifadeledi.

Hayırlavlarğa G7 birleşmesiniñ azaları olğan memleketler de qoşuldı.

Büyük yediler” elçileri 35 tutulğan ukrainniñ azat etilmesinen hayırlay. Ve ukraina halqı ile birlikte olarnıñ qaytmasına quvana. Başqa mabüsler aqqında da hatırlamız ve olarnıñ yaqın zamanda azat etilecegine ümüt etemiz”, – dep aytıla Twitter bildirmesinde.

Bundan evel, devlet başı saifesinde Rusiyeden qaytqan ukrainlerniñ cedveli neşir etilgen edi.

Menba Ukrinform
tarih 07.09.2019
kategoriyalar UKRAİNA VE AB
paylaşmaq
UA|TV top haberleri