Avropa Birligi Dünya okeanınıñ qorçalavı içün 300 milion yevro ayırıp berecek

Bularnıñ üçte biri, plastik qalımtılarnen etraftaki müit bulaştırıluvı ile küreş usullarnıñ tetqiqatına berilecek

uatv
31.10.2018

Foto YouTube

Avropa komissiyası, Dünya okeannı qorçalamaq içün yapılğan leyhalarğa ve teşebbüslerge para bermek içün qoşma 300 milion yevro ayıracaq .

Bu aqta Ukrinform, EUobserver atıf etip haber ete.

“Aropa komissiyası Balideki (İndoneziya) konferentsiyada kendisine, okeanlar qorçalavına qoşma 300 million yevro masraf etmek mecburiyet aldı” , – qayd etile bildirüvde.

Paralarnıñ 100 millionı, plastik qalımtılarnen etraftaki müit bulaştırıluvı ile küreş usullarnıñ tetqiqatına ayırmaq planlaştırıla. Bunıñ ile, 82 million yevro deñiz tübü haritalarınıñ tertip etilüvine ve ekologik sistemalarnıñ tasvirlenüvine berilecek.

Menba Ukrinform
tarih 31.10.2018
kategoriyalar Dünya
paylaşmaq
UA|TV top haberleri