Avropa Birligi Donbassta berilecek Rusiye pasportları içün sanktsiyalarnı arttırmaq kerek, – Estoniya TİN başı

uatv
14.05.2019
Foto Twitter Urmas Reinsalu

Avropa Birligi, işğal etilgen Donbass topraqlarında yaşağanlar içün pasportlar berilmesi içün Rusige qarşı sanktsiyalarnıñ arttırılmasını baqıp çıqmaq kerek.

Bu aqta Twitterde Estoniya TİN başı Urmas Reynsalu yazdı.

“Rusiyeniñ Ukrainadaki provakatsion areketleri er şeyni añlata. Avropa Birligi, işğal etilgen topraqlarda ukrainlerge berilgen Rusiye pasportlarını tanımamaq kerek, ve bunıñ yerine sanktsiyalarnıñ arttırılmasını baqıp çıqmaq kerek”, – dedi Estoniya naziri.

O, Avropa Birligi Ukraina suvereniteti ve topraq bütünligine qol tutmağa ve Rusiyeni sıqıştırmağa devam etecegini qayd etti.

Mayısnıñ 13-nde Brükselde, Şarqiy işbirlikniñ” 10 yıllığı münsebeti ile ötkerilgen tedbirler vaqtında, çeşit memleketlerniñ Tışqı işler nazirleri “Rusiye pasporları” ile bağlı vaziyetni muzakere ettiler.

Pavlo Klimkin, Ukraina Avropa Birliginden sistematik bir cevap beklegenini büldirdi. O, rusiyelilerge qarşı şahsiy sanktsiyalarnıñ qoyulması Moskvanıñ tecavuzına yeterli olmaycağınıqayd etti.

Menba UATV
tarih 14.05.2019
kategoriyalar SİYASET
paylaşmaq
UA|TV top haberleri