Asan Çapuhta iç qanaması, – advokat

10 kün devmında ekimlerniñ nezareti altında bulunacaq

uatv
09.01.2019
Foto Azatlıq Radiosı

“Veciye Kaşka davası” mabüsi Asan Çapuh hastahanege gastrit tutuvı sebebinden peyda olğan iç qanaması içün yatqızıldı. Bu aqta advokat Ayder Azamatov Qırım uquq qoruyıcı gruppasına bildirdi.

“Yanvarnıñ 8-nde, №6 Aqmescit şeer hastahanesinde bulunğan Asan Çapuhnı ziyaret ettim. Yanvarnıñ 7-ne keçer gecesi, o apansızdan özüni yaramay duymağa başladı ve yaramadı. Onı acele sürette hastahanege yatqızdılar… Sebep, 11 ay devamında taqiqat tevqifhanesinde tutulğan soñ pek büyük miqdarda ilâclar içkeni sebebinden, peyda olğan gastrit hastalığı oldı”, – dep haber etti Azamatov.

Ekimler bildirgenine köre, Asan Çapuhta iç qanaması başlanğan ve eñ azı o 10 kün devmında ekimlerniñ nezareti altında bulunacaq.

Menba UATV
tarih 09.01.2019
kategoriyalar KREML MABÜSLERİ
paylaşmaq
UA|TV top haberleri