“Arap seyircileri Ukrainanen bayağı meraqlanalar”, – Safvan Culak

UATV arap muarriretiniñ reberi "Radіo Voskresіnnâ"ğa intervyü berdi

uatv
07.11.2018

Foto UATV

Arap dünyası “Pomarançeva revolütsiya” vaqtında Ukraina ile faal tarzda meraqlanmaq başladı. Bundan evel, çoqusılar Ukraina mustaqil devlet olğanını atta bilgen eken. Bu aqta UATV arap muarriretiniñ reberi “Radіo Voskresіnnâ”ğa intervyü bergende aytıp berdi.

Cafvan Culak Suriyeden, o Al Jazeera sabıq mühbiri, Ukrainada çoqtan berli yaşay ve onı Vatanı olaraq köre.

“2013 senesi, Avromaydandan soñ, bütün dünya adamları Ukrainağa baş-başqace baqa ve Ukraina – bu öz mustaqilligi oğrunda küreşken ve türlü yenelişlerde bu mustaqilligini ömürgen keçirgen memleket olğanını bileler”, – dey Cafvan Culak.

Televizion alıp barıcısı inana ki: arap seyircileri Ukrainanen bayağı meraqlanalar, аynı Ukraina arap dünyasınen meraqlanğanı kibi. Şunıñ içün memlektte UATV kibi, bütün dünyağa kerçek Ukrainananı kostre bilecek  kütleviy haber vastaları yeterli derecede degil.

Safvan, arap muarrireti faal tarzda seyircilernen keri bağlanuv munasebetlerni sürdürgenlerini qayd etti. “İçtimaiy ağlardaki saifelerimizge pek çoq mektüp kele. Tefsirler em müsbet em menfiy de olalar, ve bu bizini quvandıra. çünki memlekette cenk ketmekte, Qırım da işğalde. Menfiy tefsirler ise, duşmanımızğa qol tutqanları da bizni seyir etkenlerini köstere”, – aytıp berdi Culak.

“Adamlarnıñ iradeleri küçlü olğan ve qıyınlıqlarnı aşqan bir ülkede yaşağanım ve çalışqanımdan ğurur duyam. Çoqusı serbest memleket ve halqlar içün Ukraina nümünedir. Memleketniñ bir çoq oğlusınıñ iradesi, hayalı ve ıntıluvı sayesinde Ukrainanıñ kelecegi parlaq olacağına inanam”, – dep yekünledi Cafvan Culak.

Hatırlatamız: UATV Ukraina tış yayınlav telekanalında arap muarrireti 2016 senesi çalışıp başladı. 2018 senesi aprel ayında ise UATV.UA. saytında arap saifesi peyda oldı.

Menba UATV
tarih 07.11.2018
kategoriyalar TELEKANAL HABERLERİ
paylaşmaq
UA|TV top haberleri