Aqmescit taqiqat tevqivqanesinde tutulğan musulman qırımtatarlarnıñ yemegine çoçqa eti qoşula, – advokat

Uquq qoruyıcılar kerekli şikâyetlerni endi azırladılar

uatv
31.10.2018
Foto Ukrinform-UATV

Qanunsız ilhaq etilgen Qırımda, Aqmescit taqiqat tevqivhanesinde tutulğan musulman qırımtatarlarnıñ yemegine, diñlerine köre qarşı kelgen, çoçqa eti qoşula.

Bu aqta, öz Facebook saifesinde advokat Mammet Mambetov haber etti.

Oktâbrniñ 30-nda, salı künü, uquq qoruyıcı Aqmescit taqiqat tevqifhanesinde “Hizb ut-Tahrir davasınıñ” iştirakçisi Rustem İsmailovnı ziyaret etti.

“Elbette bulunğan yerniñ şarlarına şikâyetler bar, amma umumen kendisini eyi duya. Rustem, Aqmescit taqiqat tevqivqanesinde tutulğan diger mabüsler kibi, bir aftadan berli yemekke çoçqa eti qoşulğanını bildirdi. Elbette bunı diqqattsız qaldırmaycaqmız, kerekli şikâyetler artıq azır. Rustem sağlam ve aqları içün küreşni devam etmek azır. Qabaatlavlarnı ise İslâmğa qarşı küreş kibi saya”, – yazdı Mammet Mambetov.

Сегодня в СИЗО г.Симферополь встретился с Рустемом Исмаиловым. Обсудили предстоящее заседание по рассмотрению…

Опубліковано Mammet Mambetov Вівторок, 30 жовтня 2018 р.

Hatırlatamız, oktâbrniñ 30-nda FSB qırımtatar Dilâver Gafarovnıñ evinde tintüv keçirgen soñ onı yaqaladı.

Menba UATV
tarih 31.10.2018
kategoriyalar QIRIM
paylaşmaq
UA|TV top haberleri