Angela Merkel Kremlden ukrain deñizcileriniñ azat etilmesini talap etti

uatv
12.04.2019
Foto АР

Almaniya Kantsleri Angela Merkel, Rusiye Federatsiyasından Keriç boğazında esir etilgen ukrain deñizcileriniñ azat etilmesini talap etti. Bu aqta o Ukraina Prezidenti Petro Poroşekno ile beraberl ötkerilgen matbuat konferentsiyası vaqtında bildirdi.

“Daa bir kere bu deñizcilerniñ azat etilmesini talap etem, bunıñ ile Keriç boğazında Ukraina gemilerine serbest keçüvniñ kefalet etilmesini. Mariupol – Ukrainanıñ çiçeklenüvi içün pek müim bir şeer”, – dedi o.

Ukraina Prezidenti Petro Poroşenko ise, bugün olar Angela Merkel ile 24 deñizciniñ olduqça tez azat etilmesi içün Rusiyege basqı etüv areketlerni muzakere etkenlerini bildirdi.

“Ukrain imayecileriniñ deral azat etilmesini talap etemiz. Jeneva şartnamesine köre, arbiy esirler statusı olğan deñizcilerimizni mahkemelemege Rusiyeniñ aqqı yoq”, – dedi Ukraina Prezidenti.

Menba UATV
tarih 12.04.2019
kategoriyalar KREML MABÜSLERİ
paylaşmaq
UA|TV top haberleri