Andriy Parubiy til aqqında qanunnı imzaladı

uatv
14.05.2019
Foto Facebook Andriy Teteruk

Bugün, mayısnıñ 14-nde, Yuqarı Rada spikeri Andriy Parubiy ukrain tiliniñ devlet tili olaraq çalışmasına dair qanunnı imzaladı.

Bu aqta UATV mühbiri haber etmekte.

Yuqarı Rada oturışuvı vaqtında deputatlar, ekinci turda rey berüv neticelerini ve umumen 5670-d leyhasını maqbül olmağan dep tanığan leyhalarnı qaytardı. Bu leyhalardan iç biri kerek olğan 226 rey almadı.

“Opozitsiynıy blok” ve daa bir qaç halq deputatı saylav neticelerini lâğu etmege istedi.

Qararlarnıñ qaytarılmasından soñ Yuqarı Rada spikeri qanun leyhasını imzaladı.

“Yaqın zamanda bu qanunnı Ukraina Prezidenti imzalaycaq. O, “Golos Ukrainı”da neşir etilip, qanun olacaq”, – dep qayd etti Andriy Parubiy.

Hatırlatamız, Yuqarı Rada tilge dair qanun leyhasını bu sene aprelniñ 25-nde imzaladı.

Bundan soñ parlamentniñ spikeri haber etkenine köre, Ukraina Yuqarı Radası mayısnıñ 14-nde tilge dair qanunnıñ lâğu etilmesi meselesini muzakere etecek.

Menba UATV
tarih 14.05.2019
kategoriyalar SİYASET
paylaşmaq
UA|TV top haberleri