Ancey Duda Volodımır Zelenskıynı Poloniyağa ziyaret etmege davet etti

uatv
21.05.2019
Foto Ukrinform-UATV

Poloniya Prezidenti Ancey Duda Ukraina Prezidenti Volodımır Zelenskıynı inauguratsiyanen hayırladı ve memleketini ziyaret etmege davet etti.

Bu aqta Poloniya Tışqı işler nazirliginiñ matbuat hızmeti haber ete.

Anycey Dudanıñ davetini Kyivde inauguratsiyada iştirak etken Poloniya Tışqı işler naziri Yatsek Çaputoviç söyledi. Memur Zelenskıynı, Poloniya Ukrainağa onıñ halqara seviyede tanılğan sıñırılarında suvereniteti ve topraq bütünlignine qol tutqanına inandırdı.

Körüşüv vaqtında söz iqtisadiy ve gumanitar saalarında eki taraflı işbirlik inkişafınıñ istiqballeri aqqında oldı.

Mayısnıñ 20-nde, Ukraina Yuqarı Radasında yañı saylanılğan prezident Volodımır Zelenskıynıñ inauguratsiyası olıp keçti. İnauguratsiya vaqtında Yuqarı Radanıñ dağıtıluvı aqqında ilân etti.

Menba UATV
tarih 21.05.2019
kategoriyalar SİYASET
paylaşmaq
UA|TV top haberleri