Amnesty International Server Mustafayevni vicdan mabüsi olaraq tanıdı

uatv
07.11.2019
Foto Qırım. Aqiqat

Amnesty International Halqara aq-uquq qoruyıcı teşkilât ekinci Bağçasaray “Hizb ut-Tahrir dava” iştirakçisi Server Mustafayevni vicdan mabüsi olaraq tanıdı.

Bu aqata Azatlıq Radiosı Amnesty International saytına atfı etip haber ete.

«Birinciden, onıñ esnasını daa tafsilâtlıca közyetmek içün belli bir sebep bar. Halqara temsilciler bu esnasqa diqqat ayıra. Qabaatlav tarafınıñ delilleri em davada iştirak etken advokatlar em de halqara toplulıq tarafından da talil ettilecek. Ve, tabiiy ki, açıq olması – qoruv aletlerinden biridir. Davada olğan bütün bozuvlar qayd etilip, bir şeyni isbatlaycaq: Qırımdaki qırımtatarlar, musulmanlar – terrorist degil ve olarnı tek faal vatandaş areketleri, diniy ve milliy baqışları içün taqip eteler», – dep izaatladı Amnesty International beyanatını advokat Lilâ Gemeci.

Onıñ fikirince, Server Mustafayevniñ Amnesty International tarafından «vicdan mabüsi» cedveline kirsetilmesi azat etilüvine yardım etecek.

“Qırım birdemligi” cemaat birleşmesiniñ koordinatorı Server Mustafayev ve qırımtatar, musulman Edem Smailov ise 2018 senesi mayısnıñ 21-nde Qırımda Rusiye quvetçileri tarafından tutulğan edi. Olarnıñ davası Bağçasaraydaki “Hizb ut-Tahrir davasına” qoşuldı.

Menba Azatlıq Radiosı
tarih 07.11.2019
kategoriyalar QIRIM
paylaşmaq
UA|TV top haberleri