Amerika Birleşken Devletlerinde saylayıcılar, rusiyeniñ sayhte haberlerine inanmamaq çağırıla

Saylavlar aqqında yalan malümat içtimaiy ağlarda tarqatıla bile

uatv
06.11.2018

Foto Ukrinform-UATV

Kongress ara saylavlarından aldın amerika mahsus hızmetleri saylav sistemasınıñ bozulıp açıluvını qayd etmediler. Amma Birleşken Devletleriniñ memurları saylayıcılarnı, Rusiye olarnıñ serbest ifade etilgen iradesine tesir etmek içün sahte haberlerni qullana bilir dep tenbiyeley.

Bu aqta noyabrniñ 6-nda yayınlanğan FBR, milliy istihbarat, içki telükesiziligi nazirligi ve adliye nazirliginiñ ortaq bildirmesinde haber etile. Bunı DW bildire.

“Şimdiki vaqıtta, rey berüvge keder ete bilgen, rey miqdarını deñiştire bilgen ya da olarnıñ sayuvına tesir ete bilgen saylav sistemamıznıñ bozup açuv ıntıluvlarına dair delillerimiz yoq”, – denile bildirüvde.

Aynı zamanda qayd etile ki: “bazı ecnebiy iştirakçi şahıslar”, şu cümleden Rusiye, cemaat fikrine tesir etmek ıntıluvlarnı devam etmekteler. Bunıñ içün, olar içtimaiy ağlarnı qullanıp, yalan haberler tarqata bileler, – qayd ettiler mahsus hızmetlerniñ reberleri.

Menba DW
tarih 06.11.2018
kategoriyalar Dünya
paylaşmaq
UA|TV top haberleri