Amerika Birleşken Devletlerinde Petro Poroşenkoğa “Halqara devlet erbabı” mukâfatı berildi

uatv
21.02.2019

Filadelfiya şeeri Dünya işleri şurası Ukraina Prezidenti Petro Poroşenkonı “Halqara devlet erbabı” mukâfatınen taqdirledi.

Bu aqta Prezidentniñ resmiy saytında haber etile.

“Bunı, ukrain milleti olaraq yapqan ilerilevniñ tanılması kibi sayam. Bunı, Amerika halqı, Kongress ve Müdiriyet adından Ukraina ile birlik ve birdemlik timsali olğanını sayam”, – dedi devlet başı.

Prezident, Ukraina devleti dünya işlerine belli bir derecede müsbet tesir yapmağa ve ballar içün eyi bir kelecek temin etmege imkânını qaçırmaycağını qoştı.

“Asıl maqsadımız – azatlıq ve demokratiya yardımı ile turğun bir barışıqqa irişmek. Siz Birleşken devletlerde yapqanıñız kibi, biz Ukrainada yapqanımız kibi, ve epimiz beraberlikte dünyada yapqanımız kibi”, – dep qayd etti Petro Poroşenko.

Dünya işleri şurası – Filadelfiya şeerinde kirişimcilik, tasil, din, medeniyet, sanatnıñ meşur temsilcilerinden ibaret olğan bir ükümetke bağlı olmağan teşkilât.

Menba UATV
tarih 21.02.2019
kategoriyalar SİYASET
paylaşmaq
UA|TV top haberleri