Amerika Birleşken Devletleri Ukrainanıñ er bir reberliginen işbirlik etecek, – Kurt Volker

uatv
05.04.2019
Foto Ukrinform-UATV

Amerika Birleşken Devletleri Devlet departamentiniñ Ukraina meseleleri mahsus temsilcisi Kurt Volker, Washington aprelniñ 21-nde ötkerilecek saylavlarnıñ neticesinde kim yañı prezident olacağına baqmadan Ukraina ile işbirlik etecegini bildirdi.

Bu aqta Gromadske haber ete.

“Biz Ukraina ile çalışacaqmız. Devlet başı kim olsa olsun, er birisinen işbirlik etecekmiz. Ukraina soñki eki yıl içinde, 25 yıl devamından yapqanından çoq yaptı. Amma ileride daa çoq yapılacaq şeyler bar”, – dedi o.

Volker qayd etti ki, ABD iç bir Ukraina prezidenti namzetine qoltutmay, iç birisiniñ tarafdarı degil, olar tek demokratik printsiplerge qoltutalar.

Senator Kris Merfi ise, ABD Ukraina suverenitetine qoltutqanını ve Rusiye zapt etilgen topraqlarnı terk etmegence daa qabarcılıqqa qarşı areket etmege ve iqtisadiyatni yañartmağa yardım etecegini bildirdi.

“Kim prezident olğanı buna asla tesir etmez, olğanı kibi qalacaq. Biz saylavlarğa kirişmeyik ve iç bir tevsiyeler de bermeyik. Yalıñı bir şeyni açıq-aydın bildiremiz: Ukraina nasıl bir yol saylağanına baqmadan, ABD ukrainn halqı, devletniñ reberligi ile yan-yanaşa turacaq”, – dep qayd etti Merfi.

Menba Gromadske
tarih 05.04.2019
kategoriyalar SİYASET
paylaşmaq
UA|TV top haberleri