Amerika Birleşken Devletleri Rusiyege yañı sanktsiyalar qoydı

Sanktsiyalar cedveline 4 şirket ve 18 şahıs oğradı

uatv
21.12.2018

Amerika Birleşken Devletleri Rusiyege yañı sanktsiyalar qoydı. Bu aqta Birleşken Devletlerniñ Maliye nazirliginiñ saytında haber etile. Sanktsiyalar cedveline 4 şirket ve 18 şahıs oğradı, olarnıñ arasında – Rusiye Silâlı Quvetleri Esas Ştabı Baş idaresiniñ 15 hadimi. Olar, 2016 senesi Amerkadaki saylavlarğa kirişkenlerinde ve halqara teşkilâtlarğa kibernetik ucumlar yapqanlarında qabaatlanılalar. Cedvelde – Ruslan Böşirov ve Aleksandr Petrov adına çetellik pasportlarınen rusiye vatandaşları bar. Büyük Britaniya ve Amerika Birleşken Devletleri olarnı Solsberide rusiyeniñ sabıq istihbaratçısı Sergey Skripal ve qızı Yuliyanı zeerletkelerinde qabaatlay. Amerika Birleşken Devletleri Devlet Departamentinde bildirdiler: Vaşington, Moskvanıñ diger devletlerge qarşı stabilsizleştirüv arektlerine yol bermeycek.

Джерело UATV
дата 21.12.2018
категорії Dünya, Haber çıqışları
поділитися
Топ новин на UA|TV