Almaniyanıñ daa bir ava limanı Ukraina paytahtınıñ yazılışını tüzetti

uatv
14.05.2019
Foto Twitter Alla Polyova

Frankfurt am Main şeerindeki halqara ava limanı Ukraina paytatınıñ adı yazılmasını tüzetti. Endiden ukrain transliteratsiyasına binayen adı alman ve ingliz tillerinde doğru yazıla.

Bu aqta Twitterde Frankfurt am Main şeerindeki Ukraina Baş konsullığınıñ reberi Alla Polevaya haber etti.

O, Frankfurt ava limanına, Ukraina Tışqı işler nazirligi tarafından teşkil etilgen #KyivNotKiev fleşmobına qoşulğanı içün minnetdarlıq bildirdi.

Keçende, München ava limanı ukrain şeerleriniñ yazılmasını tüzetken ilk Almaniya ava limanı oldı.

2018 senesi oktâbr ayında Ukraina Tışqı işler nazirligi CorrectUA heşteg ile canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazuvını “Kyiv”ge deñiştirmege ricanen muracaat etti. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs, Buharest, İstanbul, Toronto diger ava limanları.

Menba UATV
tarih 14.05.2019
kategoriyalar TURİZM
paylaşmaq
UA|TV top haberleri