Almaniya şarqiy regionğa yardım köstermek içün Ukrainağa aman-aman 5 mln yevro ayıracaq

uatv
07.06.2019
Foto Ukrinform-UATV

Yaqın yıllarda Almaniya Donbassta zarar körgen ukrainalılarğa yardım kösterüv leyhalarğa maaliyeviy destek köstermege devam etecek. 2021 senesine qadar almaniya akimiyeti tahminen 5 mln. yevro ayıracaq.

Bu aqta Ukrainada Almaniya Elçiligi haber etmekte.

Yardım “Almaniya işçider birligi” faaliyetiniñ çerçivesinde berilecek.

“2019-2021 seneleri devamında Federal ükümetnen ayırılğan 4,93 mln yevro berilecek. Bundan evel, Ukrainada birleşme tarafından berilgen maaliyeviy yardım aman-aman 6,5 mln yevronı teşkil etken edi”.

Bundan ğayrı, qayd etilgenine köre, leyhanıñ yañı basamağı Ukraina ükümetiniñ nezareti altında bulunğan territorial toplulıqlar çerçivesinde, Lugansk ve Donetsk vilâyetleri territoriyalarında ömürge keçirilecek.

Hayriyeviy teşebbüs Ukraina şarqında yüz bergen dava neticesinde eñ çoq zarar körgen şahıslarğa aşayt ve şahsiy gigiyena şeylerinen teminlevni közde tuta.

Menba UATV
tarih 07.06.2019
kategoriyalar CEMİYET
paylaşmaq
UA|TV top haberleri