Alman Werra yaldavuq bazası NATO missiyası çerçivesinde Qara deñiz suvlarına kirecek

uatv
01.02.2019
Foto dw.com

Fevral ayında, Almaniya Federativ Cumhuriyeti deñiz arbiy quvetleri gemisi – Werra yaldavuq bazası – Bulğaristandaki eki Qara deñiz limanlarını ziyaret etecek.

Bu aqta Deutsche Welle Almaniya Mudafaa nazirliginiñ temsilcisine atfı etip bildire.

Arbiy geminiñ Qara deñiz suvlarına kirüvi NATO missiyası çerçivesinde planlaştırılğan. Gemi Bulğaristannıñ Burgas ve Varnа limanlarını ziyaret etecek.

“Qara deñizde Almaniya arbiy deñiz quvetleriniñ diger gemileriniñ yerleştirilüvi közde tutulmay”, – yazıla haberde.

Evel, NATO-da Ukraina missiyasınıñ başı Vadim Pristayko, Qara deñiz suvlarına NATO-nıñ daa bir arbiy gemisi kirecegi aqqında haber etken edi.

Hatırdatamız, Petro Poroşenkonıñ sözlerine köre, Qara deñizde Şimaliy Atlantik bağlaşımınıñ bulunuvı ilerideki vaziyet kerginleşüviniñ aldını ala bile ve bölge telkesiziligini kefalet ete bile.

Menba Deutsche Welle
tarih 01.02.2019
kategoriyalar UKRAİNA-NATO
paylaşmaq
UA|TV top haberleri