Alman Bündestagnıñ mebüsi Donbassnı ziyaret etecek

Frank Şvabe Ukrainada ziyaretnen oktâbrniñ 31-den noyabrniñ 3-ne qadar bulunacaq

uatv
30.10.2018

Foto Ukrinform-UATV

Alman Bündestagnıñ mebüsi Frank Şvabe Ukrainağa kelecek ve Donbassnı ziyaret etecek. Bu aqta Ukrainadaki FRG elçiliginde bildirildi, haber ete Ukrinform.

“Alman Bündestagnıñ mebüsi Frank Şvabe, insan aqları ve gumanitar yardımda Alman Bündestagnıñ SDPG fraktsiyasından temsilci ve Avropa Şurasınıñ Parlament Assambleyasında sotsialist, demokratik ve yeşiller fraktsiyasınıñ reisi Ukrainada oktâbrniñ 31-den noyabrniñ 3-ne qadar bulunacaq”, – denile bildirüvde.

Elçilikte qayd ettiler: Şvabe Ukraina ükümetiniñ, Yuqarı Radanıñ, grajdan cemiyetini ve halqara teşkilâtlarnıñ temsilcileri ile muzakereler keçiricek.

“Noyabrniñ 1-nde Ukrainanıñ şarqını ziyaret etecek. Vaziyetniñ kerçek bir añlayışı içün, Kramatorsk ve sıñırlandırılğan yolağında çeşit halqara yardımcı teşkilâtlar ile qonuşacaq.”, – haber etildi elçilikte.

Menba Ukrinform
tarih 30.10.2018
kategoriyalar SİYASET
paylaşmaq
UA|TV top haberleri