Aleksandr Usik WBA dünya çempionı unvanınından ve rusiyeli Denis Lebedevnen uruştan vazgeçti

uatv
28.03.2019
Foto AР

Ukrain boksçusı Aleksandr Usik Dünya Boks Birleşmesiniñ (WBA) dünya çempionı unvanını inkâr etip, rusiyeli Denis Lebedevnen uruştan vazgeçti.

Bu aqta sportçu öz Instagram saifesinde canlı yayında bildirdi.

“WBA teşkilâtı meni Lebedevnen uruş keçirmege mecbur ete. Bu uruş olmaycaq, Biz taqımımız ile super ağır çekige keçmege qarar aldıq. Bu sebepten biz Denisnen boks yapıp olamaycaqmız, ve men quşaqnı red etem, o mende boştan-boş olğanını istemeyim. Başqa yigitler onıñ içün boks etsin. Deniske ve bu quşaq içün dögüşeceklerge muvafaqiyet tileyim”, – dedi Usik.

31 yaşlı boksçu ağır çekide WBC, WBO, WBA, IBF çempionlıq unvanlarını birleştirdi, The Ring jurnalınıñ quşağını elde etti ve Mayris Briyedis, Murat Gassiyev ve Toni Bellyünı yeñip, böylece üç ğalebe ğazanıp World Boxing Super Series turnirinde yuttı.

Aleksandr Üsik boks tarihında, dünyanıñ mutlaq çempionı unvanını qazanğan 4-nci boksçu oldu.

Menba UATV
tarih 28.03.2019
kategoriyalar Sport
paylaşmaq
UA|TV top haberleri