Afğanistanda patlav yüz berdi: 12 kişi elâk oldı, daa 150 yaralandı

uatv
07.07.2019
Foto Twitter Pajhwok Afghan News

Bazar künü, iyülniñ 7-nde, Afğanistannıñ şarqında, Gazni şeerinde olıp keçken patlav sebebinden 12 kişi elâk oldı, daa 150 yaralandı.

Bu aqta Korrespondent Pajhwok agentligine atfı etip bildire.

Malüm olğanı kibi, Afğanistan Milliy telükesizlik direktoratı bölüginiñ binası yanında avtomobil patlağan.

Elâk olğanlar arasında – 8 telükesizilik quvetleri hadimleri ve 4 adiy insan. Bundan ğayrı, 36 bala yaralanğanı aqqında haber etile.

Yaralanğanlarnıñ sağlıq alı aqqında şimdiilk tafsilâtlar belli degil. Ücüm içün mesüliteni özüne daa iç bir bölgedeki terrorcı teşkilât almadı.

Menba Korrespondent
tarih 07.07.2019
kategoriyalar Dünya
paylaşmaq
UA|TV top haberleri