Afganistan paytahtında terror eylemi

Maşna patlaması sebinden 10 adam elâk oldı, 19 - yaralandı

uatv
29.11.2018

Afganistan paytahtında, Kabulda, maşna patlaması sebinden 10 adam elâk oldı, 19 – yaralandı. Bu aqta memleketniñ sağlıq saqlav nazirliginde haber etildi. Adise, afgan quvetçileriniñ azırlanuvınen oğraşqan qaravullıq şirketiniñ binası yanıda yüz berdi. Maşna patlağan soñ bir qaç isyancı bazanıñ meydanına kirdiler. Şimdiki vaqıtta bölgeni qanun qoruyıcılar sarıp aldı. Yaralanılğanlar hastahanedeler. “Taliban” torroristik gruppalaşma ucum içün mesülietini özüne aldı.

Menba UATV
tarih 29.11.2018
kategoriyalar Dünya, Haber çıqışları
paylaşmaq
UA|TV top haberleri