Advokatlar birinci “Hizb ut-Tahrir davasına” mustaqil mütehassıslarnı celp etecek ola

uatv
22.05.2019
Foto Qırım birdemligi

Birinci Aqmescit “Hizb ut-Tahrir davası” mabüsleriniñ imayecileri davağa mustaqil mütehassıslarnı celp etecek ola, çünki qabaatlav tarafı keçirgen lisaniyat-diniy ekspertizası bozuvlarnen olıp keçkenine inana.

Bu aqta Rostn-na-Donu şeerinde Şimaliy-Kazkav bölge arbiy mahkemesiniñ oturışından soñ advokat Lilâ Gemeci bildirdi, dep habe ete “Qırım. Aqiqat”.

“Ekspertizağa qıymet kesüv ilmiy ceyetten olması içün sorğunı mütehassıs ötkersiñ dep muracaat ettik. Ricamız red etildi. Amma biz, delillerini tek qabaatlav tarafı kösterip olamasıñ dep davağa mustaqil mütehassıslarnı celp etmege ıntılmağa devam etecekmiz”, – dedi advokat.

İmaye tarafınıñ fikrine köre, ekspertizanın diniy qısmını ötkergen Timur Urazmetovnıñ bu işni becermek içün kerekli derecede salâhiyeti yoq.

“O öz vazifesini yaptı. Qabaatlav tarafı ondan beklegen hulâlalar yazdı. Urazmetov – medeniyetşınas, amma buna baqmadan diniy neticeler çıqardı. Cevabında, mütehassıs oynağanı, añlamlarnı deñiştirgeni körünip tura edi”, – añlattı Lilâ Gemeci.

Advokatnıñ sözlerine köre, davanıñ kompleks lisaniyat-diniy ekspertizasını keçirgen mütehasıslar sorğuğa çekilgen soñ, imaye tarafınıñ fikri şöyle: hulâsalar “bir türlü tenqidge çıdamay” ve mütehasısslar da “kerekli neticelerge malik”.

Menba Qırım. Aqiqat
tarih 22.05.2019
kategoriyalar QIRIM
paylaşmaq
UA|TV top haberleri