ABDniñ Rusiyege qarşı qoşma sanktsiyaları avgustnıñ 26-nda amelge kirsetilecek

uatv
17.08.2019

Amerika Birleşken Devletleri himik ve biologik silâ kontroli ve yoq etilmesi boyunca qanunnen qayd etilgen tedbirler çerçivesinde Rusiyege qarşı qoşma sanktsiyalar kirsete.

Bu aqta ABD Maaliye Nazirligi haber etti, dep yaza Amerika Sesi.

Yañı sıñırlavlarnıñ amelge kirsetilmesi içün ABD maaliye nazirliginiñ ecnebiy mülk İdareligi yañı buyruq çıqardı. O, avgustnıñ 26-ndan çalışıp başlaycaq.

Hatırlatamız, ABD Devlet Departamenti Skripaller davasında Rusiyege qarşı ekinci sanktsiyalar paketi kirsetilmesini resmiy şekilde tasdıqladı.

Джерело UATV
дата 17.08.2019
категорії Dünya
поділитися
Топ новин на UA|TV