ABD senatorları “Şimaliy aqım-2” leyhasına qarşı sanktsiyalar aqqında qanun leyhasını azırladı

uatv
14.05.2019
Foto korrespondent.net

Tehas eyaletiniñ temsilcisi, cumhuriyetçi Ted Kruz ve Nyü-Gempşir eyaletiniñ temsilcisi, demokrat Cinn Şeyhin “Şimaliy aqım-2” leyhasına qarşı sanktsiyalar aqqında qanun leyhasını azırladı.

Bu aqta Ukrinform Bloomberg saytına atfı etip bildire.

Berilgen malümatqa köre, bu Rusiyege basqını arttırmaq içün daa bir tedbir. Amerika senatorları gaz borusını toşegen gemilerge ve olarnıñ saibi olğan şirketlerge qarşı sanktsiyalar qoyulmasını teklif eteler.

Bunıñ ile, qanun qabul etilgen taqdirde, sanktsiyalar quveti rus gaz borusınıñ sigortasınen oğraşacaq şirketlerge de tarqalacaq.

Ukraina ve ABD, devletimizni atlap, qurulğan yañı rus gaz borusınıñ areketke ketirilüvine faal tarzda qarşılıq bildire.

Evel, ABD ve Slovakiya “Şimaliy aqım-2” leyhasına – “geopolitik silâ” dediler.

Menba Ukrinform
tarih 14.05.2019
kategoriyalar Dünya
paylaşmaq
UA|TV top haberleri