ABD senatorları, Rusiyedeki muhalefetniñ taqip etilmesi içün sanktsiyalar qoymağa davet ettiler

uatv
02.10.2019
Foto Facebook Marco Rubio

Rusiye akimiyeti memleketindeki muhalefet liderlerini taqip etmege devam etkeni içün, Amerika Bireşken Devletleri senatorları “Magnitskiy qanunnıñ” qullanılmasına ve Rusiye Federatsiyasına yañı sanktsiyalar qoyulmasına davet ettiler.

Bu aqta DW haber ete.

Böyle teklifnen, Amerika Birleşken Devletleriniñ devlet kâtibi Mike Pompeo ve Maliye naziri Steven Mnuchinge Florida eyaletinden senator-cumhuriyetçi Marko Rubio ve Maryland eyaletinden demokrat Ben Kardin muracaat etti.

Doquz senator imzalağan mektüpte, memurlar “Rusiye ükümeti tarafından dissidentler ve muhalefet liderleriniñ devam etken taqip etilmelerine ve siyasiy sebeplerden bir çoq vatandaşlarnıñ apiske alınmalarına qarşı çareler körmege” rica ete. Bunıñ içün “Magnitskiy qanunnı” qullanmağa teklif etile.

“Magnitskiy qanunı” 2012 senesi Amerika Birleşken Devltelreinde qabul etildi. Oña köre, insan aqlarınıñ bozulmasına alâqası olğanlarğa qarşı şahsiy sanktsiyalar qoyulsamını közde tuta. Biraz soñra bu kibi qanunnı daa bir qaç memleket qabul etti.

Amerika Birleşken Devletleri, Suriyedeki Rusiyeniñ silâlı quvetlerine yaqıt teslimatı sebebinden sanktsiyalarnı keñleştirdi.

Menba UATV
tarih 02.10.2019
kategoriyalar Dünya
paylaşmaq
UA|TV top haberleri