ABD senatorları Donald Trumpnı Ukrainağa arbiy yardımnı ayırmağa davet ettiler

uatv
04.09.2019
Foto AР

Üç demokrat ve eki cumhuriyetçi prezident Donald Trumpnı Ukrainağa 250 million dollar arbiy yardımnı vaqıt coymayıp ayırmağa davet ettiler.

Bu aqta UATV Rob Portmannıñ Twitterdeki beyanatına atfı etip bildire.

ABD Kongressi maliyeviy paketke qoltuttı, amma prezident müdiriyeti paranı bermeyip tura. Beyaz ev vekilleriniñ aytqanına köre, olar para Amerika menfaatlarına köre masraf etilmesini teşkereler.

Senatorlar öz muracaatında, “Ukraina Silâlı Quvetleri yaşama qabiliyetiniñ temin etilmesi içün müim olğan” para berilmek kerek olğanını qayd ettiler.

Rob Portmannıñ aytqanına köre, bu para yardımınen mustaqil arbiy qabiliyetni inkişaf etmek ve Rusiye tecavuzına qarşı turğan ukrain askerleriniñ küçlerini artırmaq mümkün.

250 million dollarnı Ukraina oqutuv, teçhizat, istihbarat ve silâğa qullanmaq kerek.

‏Evel, ABD vitse-prezidenti Mike Pence Varşavada Volodımır Zelenskıy ile körüşkende, Birleşken Devletler Ukrainağa qoltutmağa devam etecegini bildirdi.

Menba UATV
tarih 04.09.2019
kategoriyalar İQTİSADİYAT
paylaşmaq
UA|TV top haberleri