ABD Rusiyege qarşı qoşma sanktsiyalar qoydı

uatv
22.05.2019
Foto Ukrinform-UATV

Amerika Birleşken Devletleri Rusiyege qarşı qoşma sanktsiyalarnıñ qoyulması aqqında resmiy tarzda ilân etti. Yañı sanktsiyalarğa, qabul etilgen kütleviy telef silâsınıñ qullanılmama standartlarınıñ bozuluvına alâqası olğan eki Rusiye şirketi ve RF Silâlı quvetleri oquv merkezi oğradı.

Bu aqta mayısnıñ 22-nde ABD Devlet departamenti Federal sicili saytında yerleştirgen vesiqada yazıla.

“Bir sıra çetel (hususiy ve uquqiy) şahıs bir faaalittte iştirak etkeni aqqında qarar qabul etildi. Yani bu faaliyetke qarşı, İran, Şimaliy Koreya ve Suriyede kütleviy telef silâsınıñ qullanılmaması aqqında qanunnıñ 3-nci bölügine köre bir çareler körülmesi közde tuta”, – yazıla vesiqada.

Bunıñ ile ABD sanktsiyaları 10 Qıtay şirketine, 3 Qıtay vatandaşına, İrandaki mudafaa şirketke ve 5 Suriye teşkilâtına ait.

HATIRLATAMIZ: Ukraina Prezidenti Volodımır Zelenskıy Amerika Birleşken Devletlerine Donbass ve işğal etilgen Qırımdaki tecavuz sebebinden Rusige qarşı sanktsiyalarnı quvetleştirmege çağıruv yaptı.

Menba UATV
tarih 22.05.2019
kategoriyalar SİYASET
paylaşmaq
UA|TV top haberleri