ABD prezidenti Ukrainağa 250 million dollarlıq yañı mudafaa yardım ayıracaq ola, – Pentagon

uatv
05.12.2019
Foto Ukrinform

Amerika Birleşken Devletleri prezidenti Donald Trump 2021 senesi devlet büceti leyhasına Ukrainağa telükesizlik ve mudafaa saasında eñ az 250 million dollarlıq yardım ayırılmasını teklif etecek. Bu para “Cavelin” tanklarğa qarşı raketalarnıñ satın aluvına da berilecek.

Bu aqta Pentagonda Mudafaa naziriniñ muavini Jo Rud bildirdi, dep haber ete Ukrinform.

“Eger Kongress bücet leyhasını tasdıqlasa ve tahsis ayırsa biz bunı devam etermiz. Biz Ukrainağa letal yardımnıñ ileride berilmesini közde tutamız”, – dedi o.

Berilgen malümatqa köre, bu kibi bildirüv dekabr ayı içün hucur bir vaqiadır. Böyle ilânlar çoqusı allarda fevral mart ayları arasında, Beyaz ev tarafından bücet leyhasınıñ resmiy taqdim etüvi arfesinde yapıla.

Jo Rud qayd etti ki, bu sene Pentagon Ukrainağa ayırğan 250 million dollarlıq yardımnı Birleşken Devletler memleketimizge tolu derecede berdi. Biraz soñra ukrain tarafı daa 8,5 million dollar alacaq. ABD Mudafaa naziriniñ muavini aytqanına köre, Kongress bu tahsislerni 2020 senesi uzatqan, ve aynı bu qadar para (250 million dollar) 2021 senesi devlet büceti leyhasında da olacaq.

Oquñız: 2019 senesi sentâbrden noyabrgece Ukraina Amerika Birleşken Devletlerinden endi 43 million dollarlıq arbiy yardımnı aldı. ABD-niñ Ukrainağa arbiy yardımı sırf mal ve hızmet sıfatında berile

Menba UATV
tarih 05.12.2019
kategoriyalar UKRAİNA
paylaşmaq
UA|TV top haberleri