ABD Kongressi, ukrain deñizcileriniñ zapt etilüvi içün Rusiye Federatsiyasına qarşı sanktsiyalar azırlay

uatv
19.07.2019
Foto Facebook ABD-de Ukraina Elçiligi

Ukrain kokusı azaları ABD Kongressiniñ baqıluvına, ukrain deñizcileriniñ zapt etilüvi içün Rusiye Federatsiyasına qarşı yañı sanktsiyalar qoyulmasını közde tutqa qanun leyhasını teklif etti.

Bu aqta Avropa aqiqatı Kongress azası Mersi Kapturğa atfı etip bildire.

Ukrain kokusı reisdeşleriniñ beyanatında, yañı qanun leyhası – bu yalıñız Rusiyege basqınıñ arttıruluvı degil de, amma aynı zamanda arbiy esir deñizciler ve qorantaları içün, Amerika olarnıñ demokratiya ve topraq bütünligi oğrundaki küreşini unutmamağanını köstergen bir küçlü işaret olğanı qayd etile.

“ABD Kongressi, deñizde Ukraina Arbiy-deñiz quvetlerine Rusiyeniñ ücümini ve 24 deñizciniñ qanunsız sürette tutılmasını qattı tarzda takbih etmege devam ete”,- yazıla malümatta.

Amerika Birleşken Devletleri ve serbest dünya, 24 ukrain deñizcisi azat etilmegencek sanktsiyalarnı uzatmaq kerek olğanı aqqında da yazıla.

Menba Avropa aqiqatı
tarih 19.07.2019
kategoriyalar Dünya
paylaşmaq
UA|TV top haberleri