ABD Kongressi Rusiyeniñ “Yedi büyük devlet” gruppasına qaytuvına qarşı qararğa qoltuttı

uatv
04.12.2019
Foto AP

Amerika Birleşken Devletleri Kongressiniñ ast palatası Rusiyeniñ “Yedi büyük devlet” gruppasına qaytuvına qarşı qararğa qoltuttı. Başta Moskva işğal etilgen Qırımnı ve Donbass bölgelerini azat etmek kerek.

Bu aqta UATV Amerkia parlamentiniñ Temsilciler palatasına atfı etip bildire.

Qararğa 339 kongressmen qoltuttı, 71 qarşı çıqtı.

Vesiqada Amerika siyasetçileri Kreml Qırım ve Donbassnı azat etmegence ve öz tecavuziy siyasetini toqtatmağance “Yedi büyük devlet” gruppasınına onı qaytarmamağa davet ete.

2020 senesi iyün ayında Amerkia Birleşken Devletleri prezidenti Donald Trump G7 sammitini qabul etecek.

Oquñız: ABD Ukraina Milliy polisine 88 avtomobil berdi.

Amerika Birleşken Devletleri, dekabrniñ 9-nda Pariste olması kerek “Normandiya dördü” sammitinden evel Ukraina topraq bütünligi ve suverenitetine deñizmegen destegi aqqında hatırdattı.

Menba UATV
tarih 04.12.2019
kategoriyalar Dünya
paylaşmaq
UA|TV top haberleri