ABD elçiligine ücüm: Ukraina İraqta çetel diplomatik missiyalarnıñ telükesizligini kefalet etmege davet etti

uatv
02.01.2020
Foto UATV

Ukraina, yanvarnıñ 31-nde, İraqnıñ paytahtı Bagdad şeerinde Amerika Birleşken Devletleri elçiligine ücüm etmege ıntıluvnı tahbih etti ve memleketniñ başlıqlarını çetel diplomatik missiyalarnıñ telükesizligini kefalet etmege davet etti.

Bu aqta Ukraina Tışqı işler nazirliginiñ resmiy tefsirinde yazıla.

“Diplomatik missiyalar haneleriniñ tiyilmemezlik printsilerini ve bulunğan devletniñ tarafından olarnıñ qoruvını esapqa alıp, İraq Cumhuriyetini cinayetçilerniñ mesülietke çekilmesi ve Bagdadda çetel diplomatik missiyalarnıñ telükesizligi kefalet etilmesi içün kerekli çareler körmege davet etemiz”, – yazıla malümatta.

Aynı zamanda Tışqı işler nazirligi Bagdad şeerindeki Amerika elçiliginde vaziyet tüzelgenini bildirdi.

2019 senesi dekabrniñ 31-nde Bagdad şeerinde Amerika Birleşken Devletleri elçiligine narazılıq bildirgenler ücüm etmege ıntıldılar. Olar, kirip-çıquv noqtasını, közetüv kameralar ve pecerelerni yıqıp idareniñ meydanına sürip kirdi.

Джерело UATV
дата 02.01.2020
категорії SİYASET
поділитися
Топ новин на UA|TV