ABD Devlet Departamenti Rusiye Federatsiyasını ukrain deñizcileri tutmasınıñ aqibetlerinen tehdit etti

Moskva bu meseleden diqqatımıznı çektiremeycek

uatv
05.12.2018

Foto Ukrinform-UATV

Amerika Birleşken Devletleriniñ Devlet Departamenti, Rusiye Federatsiyasını ukrain deñizciler ve gemilerniñ zapt etilmesi içün tehdit etti. Eger Moskva olarnı azat etmese, “aqibetler ve ağrı” olacaq.

Bunı Devlet Departamentiniñ yuqarı temsilcisi bildirdi, haber ete Avropa aqiqatı.

“Rusiyeliler, deñizcilerni azat etmek kerek olğanları aqqında beyanatnı añlağanlarını isteymiz, yoqsa aqibetler daimiy şeklinde artacaqlar”, – qayd etti Devlet Departamentiniñ temsilcisi.

Rusiye ukraina gemilerini keri qaytarmaq kerek olğanını da qayd etti.

“Olar deñizcilerni azat etmek, gemilerni keri qaytarmaq kerekler, ve meselege diqqat etmeycekmiz kibi tüşünmesinler”, – bilidri o.

Hatırlatamız, Vaşington ve Avropa Birligi yaqın künlerde, Rusiyege qarşı, Azaq deñizindeki tecavuziy areketleri sebebinden, sanktsiyalarnıñ quvetleştirilüvi meselesini muzakere etecekler.

Menba Avropa aqiqatı
tarih 05.12.2018
kategoriyalar Dünya
paylaşmaq
UA|TV top haberleri