ABD-deki Elçilik NYT neşirinden Qırımsız derc etilgen Ukraina haritasını tüzetmege talap ete

uatv
07.11.2019
Foto Ukrinform

Amerika Birleşken Devletlerindeki Ukraina Elçiligi The New York Times Amerika neşirine qanunsız surette işğl etilgen Qırımsız Ukraina haritasını derc etip yapqan hatanı tüzetmege davet etti.

Bu aqta Elçilikniñ Facebook saifesinde yazıla.

“Elçilik The New York Times neşiriniñ muarrirlerine Ukraina haritasında Qırımnıñ tasvirlesinde hatalar yapmamağa ve Rusiye malümat propagandasınen beraberlikte olamamağa davetnen tekrar muracaat etti”, – yazıla malümatta.

Elçilikniñ bildirgenine köre, The New York Times gazetadaki yayınlarından birinde (“A Disgraced Ukrainian Oligarch’s Bizarre Ski Resort Plan”) kene de Ukraina sıñırnıñ açıq bozuluvınen haritanı qoşqan.

Ukraina Elçiligi neşirden öz muracaatına tez çareler körmesini bekley.

“Emiyetli neşiriniñ jurnalistlerinden muracaatımızğa tez çareler körmesini bekleymiz. Qırım- Ukraina! Hata tüzetilmek kerek”, – qayd etile muracaatta.

Menba UATV
tarih 07.11.2019
kategoriyalar CEMİYET
paylaşmaq
UA|TV top haberleri