ABD, AB ve Ukraina Rusiyeni işğal etilgen Qırımğa OSCE missiyasına kirmege izin bermesine davet etti

uatv
07.02.2020
Foto osce.org

Avropada işbirlik ve telükesizlik teşkilâtınıñ Daimiy şurasınıñ toplaşuvında ABD, Avropa Birligi ve Ukraina Moskvadan OSCE Mahsus nezaret etüv missiyasına işğal etilgen Qırımğa kirmege izin bermesini talap etti.

Bu aqta Ukrinform haber etti.

“OSCE Mahsus nezaret etüv missiyası bütün Ukraina topraqlarına telkükesiz, serbest ve şartsız kirip olmaq kerek”, – yazıla bildirmede.

Delegatlar, söz işğal etilgen Qırım ve Rusiye-Ukraina sıñırı aqqında ketkenini qayd ettiler.

“Rusiye Avropada işbirlik ve telükesizlik teşkilâtınıñ Mahsus nezaret etüv missiyasınıñ işine keder ete, işğal etilyegn qırımğa kirmesine izin bermey ve yerlerde közeticilerniñ areketini sıñırlay”, – OSCE yanında ABD misiisâsınıñ reberi Ceyms Gilmor dedi.

O, ABD işğal etilgen yarımadada ve Qara ve Azaq deñizlerinde nezaret olmasını talap ete, dep qoştı.

Джерело Ukrinform
дата 07.02.2020
категорії QIRIM
поділитися
Топ новин на UA|TV