75 yıl içinde qırımtatarlar ekinci kere deşetli basqılarğa oğratıla, – Letoniya Seymi

uatv
10.05.2019
Foto Ukrinform-UATV

Mayısnıñ 9-nda Letoniya Seymi qırımtatar halqı sürgünliginiñ 75 yıllığı munasebeti ile bir bildirüvni qabul etti ve şimdiki vaqıtta Qırım halqına qarşı Rusiyeniñ areketlerine aynı şiddetli siyasetniñ devamı dedi.

Bu aqta Letoniya Seyminiñ matbuat hızmeti haber ete.

Bildirüvde, memleket Qırımnıñ qanunsız işağalini tanımama siyasetine qol tutqanı qayd etile.

Bir çoq tarihiy menbalarnıñ malümtlarına esaslanaraq, sovetler akimiyeti Şuralar Sotsialistik Cumhuriyetler Birliginde (ŞSCB) ve o işğal etken topraqlarda yaşağan bir çoq halq ve etnik gruppalarnı maqsatlı olaraq genotsidke oğratmağa tırışqanı aqqında hulâsa çıqarmaq mümkün. Böyle halqlardan birisi – qırımtatarlardır.

Letoniya işğal akimiyetiniñ Rusiye qanunsız sürette işğal etken Qırımda qırımtatarlarğa qarşı “zulum ve zorbalıq” siyasetini takbih ete.

“Rusiye vatandaşlığını almağan ve Qırımnıñ qanunsız işğalini tanımağan qırımtatarlar diskriminatsiyağa oğratıla. Olarğa tasil almağa, tibbiy hızmet köstermege, ana tilini qullanmağa, anane ve medeniyetini saqlap qalmağa bermeyler. Qırımtatarlarnıñ 75 yıl içinde ekinci kere şiddetli basqılarğa, taqiplerge oğratıluvı ve Vatanlarını terk etmege mecbur olğanı aqılğa uymağan bir şey. Tarihnıñ tekrarlana bilecegi qasevetlendire”, – dep bildirdi Seymniñ Tışqı işler komitetiniñ reisi Rihards Kols.

Bunıñ ile Letoniya Seymi öz beyanatında episi dünya memleketlerine mayısnıñ 18-nde keçirilecek facialı tarihnı – qırımtatar halqı sürgünliginiñ 75 yıllığını añmağa rica etti ve Rusiye işğal etken qırımda vaqialarnı közetmege teklif etti.

Menba UATV
tarih 10.05.2019
kategoriyalar QIRIM
paylaşmaq
UA|TV top haberleri