Ukraina ve NATO strategik yük aviataşıluvlarınıñ saasındaki işbirlikni devam etecekler

Şirketniñ uçaqlar parkında 7 uçaq bar

uatv
04.01.2019

Foto “Antonov” DŞ (Facebook)

Antonov ava yolları ve NATO , SALIS strategik yük aviataşıluvlarınıñ programması müddetini üç yılğa uzattı.

Bu aqta “Antonov” devlet şirketiniñ matbuat hızmeti Facebook saifesinde haber etti.

Devlet şirketniñ matbuat hızmeti bildirgenine köre, Antonov alyansqa daimiy esasında eki dane An-124 – “Ruslan” uçaqlarını berecek.

Antonov NATO ile strategik yük aviataşıluvlarınıñ programmasına köre 2006 senesinden başlap çalışa.

Şirketniñ uçaqlar parkında yük köterüv qabiliyeti 150 tonna olğan yedi An-124 uçağı, yük köterüv qabiliyeti 60 tonna olğan An-22 “Antey” uçağı ve yük köterüv qabiliyeti 250 tonna olğan eñ balaban taşıyıcı AN-225 “Mriya” uçağı bar.

Menba UATV
tarih 04.01.2019
kategoriyalar UKRAİNA-NATO
paylaşmaq
UA|TV top haberleri