50-den ziyade advokat ukrain deñizcilerini mudafaa etmege azırlar, – Nikolay Polozov

Şimdiki vaqıtta uquq qoruyıcılarnıñ cedveli tizilmekte

uatv
04.12.2018

Foto AR

Moskvadaki tahqiqat tevqifhanesinde tutulğan ukrain esir asker deñizcilerini 50-den ziyade advokat qorçalamağa azır.

Bu aqta advokat Nikolay Polozov Facebook saifesinde yazdı.

“Bu dava boyunca çalışmağa istegen advokatlarnıñ cedveli tizilmekte. Namzetlerni em esir tüşken deñizcilerniñ aqrabaları, em cemaat teşkilâtları teklif ete edi. Dava qıyın, qorçalanacaq insanlarnıñ sayısı çoq ve Rusiyede Ukraina mevzusınıñ “zeerliligi” bar olğanı içün namzetler ancaq öz istegi ile cedvelge kirsetildi. Buna baqmadan, istegenlerniñ sayısı artıq 50-den ziyade oldı”, – yazıla bildirüvde.

Onıñ qayd etkenine köre, dekabrniñ 4-nde Rusiye mahkemesinde zapt etilgen deñizcilerni qorçalaycaq uquq qoruyıcılarnıñ cedveli belgilenecek.

Qayd etti ki, ukrain deñizcilerniñ davasında tahqiqatçı olaraq kim tayin etilgeni şimdiki vaqıtta belli degil.

Menba UATV
tarih 04.12.2018
kategoriyalar KREML MABÜSLERİ
paylaşmaq
UA|TV top haberleri